Ибраһим авылы мәчетендә Мөхәммәт пәйгамбәребезнең туган көне билгеләп үтелде.

Бәйрәмне Ибраһим мәчете имамы Рәсим хәзрәт ачып җибәрде, ул җыелучыларны бәйрәм белән котлады һәм Пәйгамбәребезнең күркәм сыйфатлары, изге гамәлләре турында вәгазь сөйләде.
Шулай ук Коръән сүрәләре укылды һәм пәйгамбәребез рухына дога кылып, аның шәфәгатен өмет итеп салаватлар әйтелде. Бэйрәмебезне матурлап, рәсүлуллаһны мактап Рәсим хәзрәт һәм Нүрдидә Мосагыйт кызы мөнәҗәтләр әйтте. Соңыннан кунаклар мәхәллә әһелләре көче белән әзерләнгән чәй табыны артына җыелып,Зәлия Хабирова пешергән бәлеш, Минзилә Акбашева ясаган өчпочмак , Нүрдидә Ахметова пешергән беленнәр белән нигъмәтләнде. Бу кичәнең һәркем күңелендә якты истәлек булып калуы шиксез.
Һәрбарчабызга да тормышыбызда бөек пәйгамбәребезне күркәм үрнәк итеп яшәп, ахирәттә аның шәфәгатенә ирешеп аның белән җәннәтләрдә бергә булырга Раббыбыз насыйп итсә иде!